मधेसी बुद्धिजीवीको प्रश्नः मधेसी मोर्चा सत्ताधारी कि प्रतिपक्षी ? 


Thursday, 15 Sep, 2016 2:49 PM

काठमाडौं, ३० भदौ–संविधानलाई नमान्ने तर, संविधान बमोजिम सरकार बनाउने मधेसी मोर्चा सरकारी कि गैर सरकारी भन्ने बहस मधेसमा हुन थालेको छ । पछिल्लो पटक आफैंले मतदान गरी प्रधानमन्त्री बनाएका पुष्पकमल दाहालको भारत भ्रमण टोलीमा मोर्चाका सांसद पनि सामेल भएपछि मधेस अधिकारकर्मीबाटै मोर्चामाथि यस्तो प्रश्न उठाइएको हो । 


मधेस अधिकारकर्मी तथा पत्रकार डा राजेश अहिराजले बिहीवार आफ्नो फेसबुक स्टाटसमा लेखेका छन्– ‘सरकारी मधेसी मोर्चाले एकैसाथ धेरै भूमिका निर्वाह गर्छ । आफ्नै समर्थनको सरकारले असोज ३ मा दीपावली मनाउने निर्णय गर्दा विरोध गर्दैन । सत्ताधारीको हैसियतले प्रम भ्रमणमा आ–आफ्नो सांसद पठाउँछ, सत्ताधारी नभएको नि भन्छ र आफैं निर्णय गरेर मधेसी जनतालाई कालो दिवस मनाउन नि भन्छ । रुप बिनाको स्वरुप ।’ 


हुन पनि मधेसी मोर्चा आफ्नै निर्णयमा चल्ने शक्ति नभएपछि यो पहिलो पटक मात्रै होइन धेरै पटक यस्ता विरोधाभाषले प्रश्न उठ्ने ठाउँमा उभिएको छ । नेपालको संविधान निर्माण रोक्न भारतीय विदेश सचिव एस जयशंकरले आदेशका बाबजुद प्रक्रिया अघि बढेपछि मोर्चा संविधानसभा बहिस्कार गरेर निस्केको थियो । गत वर्ष असोज ३ गते संविधान जारी भएपछि भारतले नाकाबन्दी लगायो । भारतले लगाएको नाकाबन्दीमा भारतको नाक जोगाइदिन त्यसको दुई दिनपछि मोर्चाले निर्णय गरेर आफूले नाकाबन्दी लगाएको विज्ञप्ति निकाल्यो । 


अझ टिठ लाग्दो अनुहार त मधेसी मोर्चाको कहाँ देखियो भने उसले असोज ३ गते जलाएको संविधान बमोजिम प्रधानमन्त्री चुन्न असोज २४ गते संसदमा मतदान भयो । भारतीय सीमानामा धर्ना बसेको मधेसी मोर्चा केपी ओली मधेस विरोधी भएको भन्दै उनलाई हराउन मधेस आन्दोलनमा ४८ जनाको ज्यान लिने सुशील कोइरालालाई मतदान गर्न नत्थीले डोर्याएजस्तै गरी उपस्थित भयो । आखिर जसले आन्दोलनको प्रायोजन गरेको थियो, उसले भनेपछि मान्नै पर्ने नियति मोर्चासँग थियो, त्यसैले ऊ ४८ जना मधेसी जनताको ज्यान लिएको दोष ओलीलाई लगाएर त्यो आन्दोलनका बेला प्रधानमन्त्री भएका सुशील कोइरालालाई प्रधानमन्त्री बनाउन मतदान गर्न आयो । 


गत माघमा भारतले नेपालमाथिको नाकाबन्दी खोल्यो र त्यसको दुई दिनपछि मोर्चाले नाकाबन्दी स्थगित गरेको घोषणा गर्यो । मधेसी जनतालाई मिस गाइड गरी संवेदना उमालेर आफ्ना ब्यक्तिगत स्वार्थपूर्तिका लागि मात्रै उपयोग गरेका मोर्चाका एकजना नेताले त त्यसबेला मुखै खोलेर कान्तिपुरमा अन्तरवार्ता दिए– ‘भारतको नाक जोगाइदिन हामी त्यत्रो समय नाकामा धर्ना बस्यौं, हामीलाई सोध्दै नसोधी नाकाबन्दी फिर्ता लियो ।’ हुन पनि भारतले नेपाल विरुद्ध लिने निर्णय कार्यान्वयन गर्ने कारिन्दा मात्रै बन्यो मोर्चा । 


अर्काे टिठलाग्दो घटना पुष्पकमल दाहालको सरकार बनाउने बेला मधेसी मोर्चाले प्रस्तुत गर्यो । मधेसी जनतासँग उसले झुठै भए पनि जे जे कबुल गरेको थियो, त्यो सबै कबुल बिर्सेर दाहाललाई मतदान गर्न संसदमा फेरि छिर्यो मोर्चा । हुन त आदेश दिनेले दिएपछि आदेश पालनाको नियतिबाट चलेकाहरुलाई त्यसको कार्यान्वयन गर्नु वाध्यता हुन्छ । त्यसैले शेरबहादुर र पुष्पकमलसँग हतार हतारमा तीन बुँदे सम्झौता गरेर सत्तापक्ष हुने निर्णय मधेसी मोर्चाले गर्यो । मधेसी जनता कहाँ छन्, त्यत्रो मधेस आन्दोलनमा ज्यान गुमाएका परिवारले के भन्छन् सँग उसलाई मतलव भएन । त्यसरी तीन बुँदे सम्झौताले सत्तापक्ष भएको मोर्चाका सांसद अहिले सत्तापक्षकै हैसियतमा प्रधानमन्त्रीसँग दिल्ली सयर गरिरहेका छन् ।

 

मोर्चाले बनाएको सरकार असोज ३ गते संविधान दिवस मनाउने भब्य तयारी गरिरहेको छ तर, त्यही मोर्चाले मधेसी जनतालाई अझै बेच्न छोडेको छैन । उसले त्यो दिनलाई कालो दिवसका रुपमा मनाउन मधेसी जनतालाई उर्दी लगाएको छ । मधेसी मोर्चा मधेसी जनतालाई मुक्त गर्न कि आफ्नो दास बनाउन लागेको छ भन्ने यति तथ्यले बुझिंदैन र ?   

comments powered by Disqus

Related News

horoscope

National Reconstruction Authority

Redbull

YetiAirlines

NLG Life Insurance

राजनीति

स्थानीय निर्वाचनको मिति चाँडो घोषणा गर –रामचन्द्र पौडेल

काठमाडौँ, ७ माघ –व्यवस्थापिका–संसद्को आजको बैठकमा प्रमुख दलका नेता तथा सांसदले अविलम्ब स्थानीय निकायको निर्वाचनको मिति घोषणा गर्न सरकारसँग माग गरेका छन् । 

नेपाल बिखण्डन गर्ने पटना बैठकको संसदमा चर्काे विरोध 

‘केही समय अगाडि भारतको पटनामा राष्ट्रिय एकता, समाजिक सद्भाव, अखण्डता र सुरक्षामा आँच आउने किसिमले नेपालका केही राजनीतिक दल तथा समुहका प्रतिनिधिहरुले बैठक–भेला गरेको भन्ने कुरा सुन्नमा आएकोले मैले त्यसबारे प्रधानमन्त्री तथा अन्य चार दलका जिम्मेवार नेताहरुको ध्यानाकर्षण गराउँदै सत्यतथ्य माग गरेकोमा प्रधानमन्त्री स्वयंले गम्भीर अनुसन्धान गरी यथार्थ विवरण जानकारी गराउनुको साटो त्यस विषयलाई हल्का र राजनीतिक दाउपेचमा उपयोग गर्ने प्रयत्न गरेको देखियो’ रावलले संसद बैठकमा भने, ‘मैले उक्त विषयलाई गम्भीर र भरपर्दाे जानकारीको आधारमा मात्र प्रधानमन्त्री लगायतका शीर्ष नेताहरुको ध्यानाकर्षण गराएको स्पष्ट पार्न चाहन्छु ।’ 

संशोधनको प्रस्ताव नै परिमार्जन हुनुपर्छ– अध्यक्ष ठाकुर

विराटनगर, ७ माघ – तराई–मधेस लोकतान्त्रिक पार्टीका अध्यक्ष महन्थ ठाकुरले परिमार्जनसहित संविधान संशोधनको प्रस्ताव पारित हुनुपर्ने बताएका छन् । 

विश्व

नाइजेरियाली विश्वविद्यालयमा आत्मघाती बम आक्रमण, छ जनाको मृत्यु

अबुजा नाइजेरिया, माघ – नाइजेरियाको उत्तरपूर्वी राज्य ब्रनोको राजधानी मैदुगुरीमा सोमबार एक विश्वविद्यालयमा आत्मघाती बम विस्फोट गराइँदा कम्तिमा छ जनाको मृत्यु भएको यहाँको प्रहरीले जनाएको छ । 

घटनामा १५ जना घाइते भएको बताइएको छ

बङ्गलादेशमा हत्याका आरोपमा छब्बीसलाई मृत्युदण्ड  

ढाका, ३ माघ – बङ्गलादेशको एक अदालतले सत्ताधारी अवामी लिगका राजनीतिज्ञहरूले राजनीतिक प्रतिद्वन्द्वीको हत्या गर्न मुलुकको उच्च सुरक्षा निकायलाई कसरी उपयोग गरे भनि सुनुवाइ गरेपछि २६ व्यक्तिलाई सोमबार मृत्युदण्डको निर्णय सुनाएको छ । 

रुसले अति शक्तिशाली लामोदूरीको क्षेप्यास्त्र परीक्षण ग¥यो

मस्को, ४ माघ – रुसले जल तथा जमिन दुबै स्थानबाट प्रहार गर्न सकिने, अति शक्तिशाली, लामोदूरीको क्षेप्यास्त्रको आज परीक्षण प्रक्षेपण गरेको छ । 

विचार

सीके राउतसँग बाबुराम–प्रचण्डको बिखण्डनवादी कनेक्सन

||  रामशरण बजगाईं/विजय ढकाल  || सतहमा हेर्दा यो बिषय सामान्य र अपत्यारिलो लाग्छ । इरान हुँदै पाकिस्तान पुगेको मानिस कसरी नेपालको तराइसँग जोडियो भन्ने प्रश्न उठ्न सक्छ । हामीलाई पनि त्यस्तै लाग्थ्यो । तर हालसालै भारतीय काश्मिरकी  मुख्यमन्त्री महबूबा मुफ्तीले गरेको एउटा खुलासाले हामीलाई झस्कायो । 

नेपाल–भारत सम्बन्धमा ओली फर्मुला के हो ?

|| रामशरण बजगाईं/विजय ढकाल || 
बाबुरामले त प्रधानमन्त्री बन्नासाथ भारतसँगको सम्बन्धमा जुवा खेल्न छुट मागे । सत्ताको चाबी दिल्लीलाई बुझाएर नेपालमा घोषणा गरे 'चाबी अन्तै रहेछ,' 'नेपाल भारतमा मर्ज वा सब्मर्ज हुन सक्छ ।'  फेरि पनि उनै  बाबुराम सोध्छन्– भारतसँग सम्बन्ध सुधार्ने ओली फर्मुला  के हो ? 

‘ओलीजम भर्सेस माथुरजम’ खडा गर्ने हो बाबुरामजी ? 

रामशरण बजगाईं/विजय ढकाल

बाबुराम भट्टराई  र उनले तालिम दिएका चेला चपेटाहरु काठमाडौं र दिल्लीबाट जयशंकरलाई सूचना दिंदै थिए– ‘कोइरालाको कार्यालयबाटै भारत बिरोधी गतिविधि संचालित छ ।’ 

Loading...
Top