अमेरिकन मितले बनाइदिए गन्धर्वको घर


Tuesday, 22 Nov, 2016 10:34 AM

प्रशन्न पोखरेल

घ्याम्पेशाल (गोरखा), ७ मङ्सिर । गाउँघरतिर अनुहार मिल्ने अर्को व्यक्तिसँग मित बोल्ने गरिन्छ । मित लगाएपछि एकले अर्कोको घरमा आउजाउ गर्ने प्रचलन रहन्छ । मितले चाहे भने मितलाई दुःख परेका बेला कतिसम्म सहयोग गर्न सक्छन् भन्ने उदाहरण गोरखाको मसेलस्थित घ्याम्पेशालमा भेटिन्छ । 

भूकम्पले मितको घर क्षति भएको थाहा पाएका अमेरिकाका ब्यान्डेनले आफ्ना मित ठाकुर गन्धर्वको घर बनाइदिएका छन् । मसेल–९ लामाचौरमा करिब रु १० लाख लगानी गरी ब्यान्डेनले एकतले भूकम्पप्रतिरोधी घर बनाइदिएका हुन् । माटोले भरेको बोराको गाह्रो, बाँस, ढुङ्गा, माटो, सिमेन्ट, बालुवा, थोत्रा सिसाका बोतललगायत सामग्रीको प्रयोग गरी एककोठे एकतले घर निर्माण गरिएको गन्धर्वले जानकारी दिए । 

सिद्धकाली माध्यमिक विद्यालय, तान्द्राङका शिक्षकसमेत रहेका गन्धर्वले केही वर्ष पहिले गाउँ अवलोकनमा आएका ब्यान्डेनसँग मित लगाएका थिए । भूकम्पले घर भत्केपछि अस्थायी टहरोमा बसिरहेका मितलाई अमेरिकी नागरिक बान्डेनसहितको टोलीले श्रमदान गरी नयाँ घर बनाइदिएका हुन् । भूकम्पप्रतिरोधी घर बनेपछि गन्धर्वको परिवार उक्त घरमा जीवन निर्वाह गर्दै आएका छन् । 

स्थानीय सामग्रीको प्रयोग गरी बनाएको घर कम्तीमा २० वर्ष टिक्ने बताइएको छ । मितले घर बनाइदिएपछि गन्धर्व परिवार खुसी छ । ठाकुरका दाइ ध्रुव गन्धर्वले भन्नुभयो, “टहरोमा बसेको परिवार घरमा सरेको छ ।” मितले हालै नयाँ घर निर्माण गरिदिएपछि सोही घरमा बस्न सुरु गरिएको गन्धर्वले जानकारी दिनुभयो । 

गाउँमा पुनःनिर्माणको कामले गति लिन नसकिरहेका बेला विभिन्न सङ्घसंस्था तथा विभिन्न नाता, सम्बन्धले बनेका घरमा भूकम्पपीडित आश्रय लिँदै आएका छन् । घर बनाउन भन्दै सरकारले रु ५० हजारका दरले अनुदान रकम वितरण गरेपनि पुनःनिर्माणले गति लिएको छैन । गाउँमा भूकम्पप्रतिरोधी घर बनाउन सहयोग गर्न इन्जिनियर खटिएको भएपनि भूकम्प प्रभावितले घर बनाउन सुरु गरेका छैनन् । 

गत वर्षको हिउँद टहरोमा काटेको गन्धर्व परिवारले यस वर्षको हिउँदको चिसो झेल्नु नपर्ने भएको छ । जस्तापाताले छाएको टहरोमा बस्ने, खाने ठाउँ भए पनि अन्नपात भण्डारणका लागि भने गन्धर्व परिवारलाई समस्या छ । अनुदान रकम लिएपछि अर्को भूकम्प प्रतिरोधी घर बनाउने सोचमा उनीहरु छन् ।

 

comments powered by Disqus

Related News

horoscope

Redbull

YetiAirlines

Kumari jobs

NLG Life Insurance

राजनीति

सर्वदलीय बैठकमा मधेसी मोर्चा अनुपस्थित

काठमाडौँ, १० फागुन । स्थानीय तहको निर्वाचनको मिति घोषणा भएको सन्दर्भमा संविधान संशोधन प्रस्तावलाई संसद्मा छलफल गराउने विषयमा सर्वदलीय बैठक अहिले अन्तर्राष्ट्रिय सम्मेलन केन्द्र नयाँबानेश्वरमा जारी छ । 

निर्वाचनमा भाग लिऔँ, आफ्नो हैसियत नापौँ – वरिष्ठ नेता नेपाल

काठमाडौँ, १० फागुन । नेकपा (एमाले)का वरिष्ठ नेता माधवकुमार नेपालले निर्वाचन क्षेत्र निर्धारण आयोग तुरुन्त गठन गर्न सरकारसँग माग गरेका  छन् । 
 

क्याम्पसमा अध्ययन गर्दासम्म मात्र स्ववियुमा रहने

काठमाडौँ ,१० फागुन । स्वतन्त्र विद्यार्थी युनियन (स्ववियु) मा निर्वाचित पदाधिकारी र सदस्यहरु क्याम्पसमा अध्ययनरत रहँदा मात्र पदमा बस्न पाउने भएका छन् । 
 

विश्व

पाकिस्तानी अदालतमा आक्रमण, चार जनाको मृत्यु

इश्लामाबाद, १० फागुन । पाकिस्तानको उत्तरपश्चिमी क्षेत्रमा पर्ने चार्सद्धा जिल्लामा रहेको एक स्थानीय अदालतमा आत्मघाती बम आक्रमण हुँदा कम्तीमा छ जनाको मृत्यु भएको छ । 
 

डोनाल्ड ट्रम्पद्वारा नयाँ सुरक्षा सल्लाहकार नियुक्त

वासिङटन, १० फागुन । अमेरिकाका राष्ट्रपति डोनाल्ड ट्रम्पले राष्ट्रिय सुरक्षा सल्लाहकारमा लेफ्टिनेन्ट जनरल हर्वर्ट म्याकमास्टरलाई नियुक्त गरेका छन्  । 

९३ वर्ष पुग्दा पनि राष्ट्रपति मुगावे अवकाश लिन अनिच्छुक

हरारे, ८ फागुन– जिम्बाबेका राष्ट्रपति रोबर्ट मुगाबे, मङ्गलबार ९३ वर्ष पुग्दै छन् र उनले आफूलाई स्वीकार्य प्रतिस्थापक फेला नपरेकाले आफूले शक्ति परित्याग गर्ने योजना नबनाएको बताएका छन् । 

विचार

ओली डक्ट्रिन, प्रचण्ड र पाँच बुँदे रोडम्याप 

प्रचण्डजी ‘चोक्टा खान गएकी बुढी झोलमा डुबेर मरी’को दशामा छन् । असक्षमताको पगरी गुथेर फर्कनुको अर्को बाटो उनीसामु देखिन्न । दक्षिणपन्थीहरुको बैसाखी टेकेर नौनीको लिस्नो मार्फत बालुवाटार छिरेको नतिजा आगोमा पग्लदा सडकमा नै हुने अवस्थामा आइपुग्ने भयो ।

एरिका नाम गरेकी फिजियो थेरापिष्टलाई त्रिभुवनको सूचना चोर्न अंग्रेजले खटाएका थिए

त्रिभुवन सौखिन खालका मान्छे थिए, त्यही कारण धेरै ठाउमा प्रयोग पनि भए । एरिका भन्ने एकजना अंग्रेज फिजिओथेरापिष्ट त्रिभुवनको साथमा थिइन् । अंग्रेजहरुले एरिका मार्फत सूचना चोर्ने र त्रिभुवनलाई गलाउने काम गरे ।
 

सुन्दरीजल जेलबाट मध्यरातमा बीपीलाई नारायणहिटी ल्याइएको कुरा किन आउँदैनन् ?

नेपालमा अत्यावश्यक ठानिएको पूर्व–पश्चिम राजमार्ग शिलान्यास गर्न बीपीलाई केले रोक्यो ? उनकै कार्याकालमा कोदारी राजमार्ग निर्माणको प्रस्ताव आएको थियो । तर, उनले आर्थिक रुपमा आवश्यक नभएको भन्दै प्रस्तावलाई इन्कार गरे । यद्यपी कुनै औपचारिक शिक्षा नलिएका, आफ्नो सम्पूर्ण किशोर जीवन राणाकालीन दरवारको खोपीमा विताएका राजा महेन्द्रले नै यी दुवै काम किन गर्नु पर्यो होला ?

Loading...
Top