पूर्व राष्ट्रपतिज्यू ! शिखरमै बस्नुस्, खोँचमा तपाईंलाई सुहाएन    


Monday, 2 Jan, 2017 12:55 PM

 

संविधान आउँदाका बेला राष्ट्रपति निवासमा बसेर षडयन्त्र नगरेको भए मधेस आन्दोलनमा यति धेरै मान्छे मारिने थिएनन्, सत्तामा बस्ने, सर्वोच्च पदमै बसिसकेका न्यायिक पृष्ठभूमिका मान्छेले समाजमा दूरी बढाउँदै हिँडेपछि कसरी हुन्छ ? -कृष्ण पहाडी,नागरिक २०७३ जेठ १७ गते 


उपर्युक्त हरफहरु दैनिक राष्ट्रिय दैनिक अखबारमा प्रसिद्ध मानव अधिकारवादी कृष्ण पहाडीले लेखको एक लेखबाट उद्धृत गरिएका हुन् । त्यति बेला राष्ट्रपतिमा डा. रामवरण यादव र उप राष्ट्रपतिमा परमानन्द झा हुनुहुन्थ्यो । २०७३ पुस १७ गते महामहिम पूर्व राष्ट्रपति डा. रामवरण यादवको नागरिक पत्रिकामा एक महत्वपूर्ण अन्तर्वार्ता प्रकाशित छ । उक्त पत्रिकामा प्रकाशित  राष्ट्रपतिका अन्तर्वार्ता आधारित भनाइहरु मात्र होइन यसभन्दा अघि पनि उहाँका अभिव्यक्ति र व्यवहारमा देखिएको असंगति केलाउनु यस लेखको उद्धेश्य हो । यस लेखको आरम्भमा उल्लिखित कृष्ण पहाडी लिखित अभिव्यक्ति सत्यसंगत र तथ्यपरक देखिन्छ । किन पनि भने जतिबेला केही मधेसी नामका नेता ९० प्रतिशत भन्दा बढी  जनप्रतिनिधिले लोकतान्त्रिक र विधिसम्मत रुपमा प्रस्तावित र पारित संविधान विरुद्ध तराइ मधेसका रैथाने र आदिवासी जनतालाई भड्काएर संघर्षमा उत्रिन लाग्दा  पूर्व राष्ट्रपति डा. रामवरण यादवले बेलैमा शीतल निवास बोलाएर सार्थक संवाद गर्नुभएन ।

 

राष्ट्रिय एकता, अखण्डता, स्वाधीनता र सद्भाव जस्ता विषयमा तर, तथापि, परन्तु आदि घुमाउरो र काइते कुराको कुनै अर्थ छैन । देशलाई प्रेम गर्ने कुरा पनि घुमाएर गर्नुपर्छ ?

 

उहाँले आन्दोलनकारीहरुलाई फोन गरेर सम्झाएको मात्र प्रचार गरियो । संविधानविद् तत्कालीन सभामुखलाई संविधान विषयक सुझ–समझ  दिएजस्तै प्रभावकारी रुपमा मधेसी नेतालाई यादवले सम्झाउनु भएन । बरु शीतल निवास  संविधान विरुद्ध दिलोज्यानले उत्तेजना बढाउने काममा गोप्य र रहस्यमय आश्रयस्थल बनेको स्पष्ट भयो । 


अहिले नागरिकको अन्तर्वार्तामा पनि पूर्व राष्ट्रपतिज्यूका परस्पर बाझिने  अन्तर्विरोधी विचार व्यक्त भएका छन् । यादवज्यूले अन्तर्वार्तामा भनेजस्तै नेपालीभाषी नेताबाट तराई छाड्नै नहुने, तराईका नेताबाट पहाड जोड्नै नहुने दुवै अतिवादी कुरा हुन् ? यसमा राष्ट्रिय एकता र अखण्डताको कुरा किन यादवले नगरेको ? उहाँले  नेपालीभाषी नेताले राष्ट्रिय एकता, अखण्डता र सद्भाव कायम गर्न खोजेको कुरामा किन समर्थन नगरेको किन उल्टो ती विचारमा संकिर्ण खालको सोच राख्नु भएको हो ? तराई–मधेस छोडेर वा मधेसलाई  अलग राष्ट्र बन्न दिने कुरा एउटा सच्चा देशभक्त पार्टी, व्यक्ति र नेतृत्वले सोच्न सक्छ ? राष्ट्रिय एकता, अखण्डता, स्वाधीनता र सद्भाव जस्ता विषयमा तर, तथापि, परन्तु आदि घुमाउरो र काइते कुराको कुनै अर्थ छैन । देशलाई प्रेम गर्ने कुरा पनि घुमाएर गर्नुपर्छ ? एउटा राष्ट्रवादीले सत्य कुरा सोभैm  गर्दा हुन्छ । अझ पूर्व राष्ट्रपतिज्यूले त मधेस पहाडबाट  अलग रहे पनि हुन्छ भन्ने कुरा गरेर घुमाउरो रुपमा नेपाललाई दुई राष्ट्र (अर्थात् पहाड र मधेस राष्ट्र बनाउने)मा परोक्ष रुपमा स्पष्ट दृष्टिकोण अघिसारेको देख्दा अचम्म लागेको छ । 

 

कृष्ण पहाडीले नागरिक पत्रिकाको २०७३ जेठ १७ गते प्रकाशित लेखमा ठूला दलबाट शक्तिशाली पदमा पुगिसकेका मान्छेलाई नै भड्काएर देश विरुद्ध प्रयोग गर्ने खतरा रहेको बताएका थिए । के अहिले यस्तै हुन लागेको त होइन ?  प्रक्रियामा विश्वास गर्ने भएकाले असन्तुष्टिलाई थाती राखेर पद्धतिलाई स्वीकार गरेको बताउने यादवले मधेसी दललाई किन राम्ररी सम्झाउनु भएन, बरु आफ्नै असन्तुष्टि पो छर्न थाल्नु भयो ? दोस्रो संविधानसभामा ‘पहिलो जस्तो व्यापक छलफल बिना संविधान जारी भएको’मा यादवले  गम्भीर गुनासो अन्तर्वार्तामा गर्नु भएको छ ।

 

प्रा.डा. बद्रीविशाल पोखरेल

उहाँले भनेजस्तै  कुनै पनि निदान, निचोड र निष्कर्ष नै नआउने खालको छल र फल गरेर समय बिताउनु पथ्र्यो ? दक्षिण छिमेकीको कपटपूर्ण स्वार्थ नै के हो भने नेपालको संविधान नबनोस्, बनिहाले बिथोलियोस् र लागू नहोस् भन्ने त खुल्ला भई नै सकेको छ । अब पनि मुलुकको ऐतिहासिक प्रथम महामहिम राष्ट्रपति जस्तो शीर्षस्थ व्यक्तित्वले नेपाली एकतालाई अलगथलग पार्ने खालका विचार बारबार प्रवाह गरिरहन जाती हुन्छ ? तामाम नेपाली जनता सबका सबको चित्त बुझ्ने वा सर्वसम्मत संविधान कहाँ जारी भएको छ ? एउटासम्म उदाहरण दिन सकिन्छ ? संसांरमा यस्तो कहीँ हुन्छ ? तर अहिलेसम्म यो दुनियाँमा संविधान सभाले बनाएको संविधान मध्ये नेपालले  बनाएको ९० प्रतिशत भन्दा बढीको अनुमोदन कहाँ छ देखाउन सकिन्छ ? हामी आफ्नै घर परिवारमा पनि भनेजस्तो चित्तबुझ्दो काम गर्न सकिरहेका छौनौँ । तपाईं आफैँले चाहे अनुसार,सोचे अनुसारको सबै कुरा परिपन्च, प्रबन्ध र पौल  भएको जिन्दगी बिताउन सकिरहनु भएको छैन । यही नागरिक पत्रिकाको अन्तर्वार्तामा नै पनि नेपाल  सरकारले आफूलाई अरु आर्थिक भौतिक सरसुविधा दिनु पर्ने र थप गर्नुपर्ने कुरा गर्नुभएको रहेछ । तर तपाईंले पनि तराइमधेसका गाँस,बास र कपासहीन तमाम तराई मधेसबासी जनताको दुःखको र तिनलाई यो कठ्याङ्ग्रिदो जाडोमा न्यानो लुगा सम्म वितरण गर्नु पर्ने कुरा त गर्नु भएन । 

 

 

कृष्ण पहाडीले नागरिक पत्रिकाको २०७३ जेठ १७ गते प्रकाशित लेखमा ठूला दलबाट शक्तिशाली पदमा पुगिसकेका मान्छेलाई नै भड्काएर देश विरुद्ध प्रयोग गर्ने खतरा रहेको बताएका थिए । के अहिले यस्तै हुन लागेको त होइन ?  

 

पूर्व राष्ट्रतिज्यू ! तपाईले अतिराष्ट्रवादको कुरा गर्नु भएछ । तराई–मधेस नामका केही नेताले एक एक मुद्दा उठाएर पूरा गर्दै  गएर अन्तिममा तराई–मधेसलाई अलग राष्ट्रका रुपमा विभाजन गर्न खोजेको कुटकपट चाला अब छर्लङ्ग भइसकेको छ । अब यस्ता कुरालाई घुमाउरो पारामा समर्थन गर्नु जरुरी छैन । तमाम नेपालीले भारतीय सरकार मार्फत् प्रायोजित रुपमा मधेस विभाजन गर्ने षडयन्त्र स्पष्ट भइसकोको छ । ओली सरकार हटाउनुका पछाडिका रहस्यहरु स्पष्ट भइसके । प्रधानमन्त्री प्रचण्डले भारतमा गएर देश र देशवासीलाई होच्याउने खालका गतिविधि गरेको थाहा भइसकेको विषय हो । प्रचण्डले  नेपाल राष्ट्रलाई र नेपाल स्थित भारतीय राजदूतावाससरह को हैसियतमा राखेको विषय तपाईंलाई थाहा होला । तपाई नै चीन भ्रमणमा जाँदा चीनले दिएको अरवौंको आर्थिक सहयोग अझै नेपाल सरकारले सदुपयोग गरिएको छैन । 

 

दक्षिण छिमेकीको कपटपूर्ण स्वार्थ नै के हो भने नेपालको संविधान नबनोस्, बनिहाले बिथोलियोस् र लागू नहोस् भन्ने त खुल्ला भई नै सकेको छ । अब पनि मुलुकको ऐतिहासिक प्रथम महामहिम राष्ट्रपति जस्तो शीर्षस्थ व्यक्तित्वले नेपाली एकतालाई अलगथलग पार्ने खालका विचार बारबार प्रवाह गरिरहन जाती हुन्छ ?                     

भारतीय जनताका बीच नेपालीको मैत्रीपूर्ण सम्बन्ध सदाकालदेखि सदाकाल सम्म रहे पनि भारतीय सरकार नेपालको हितमा नभएको आज र अहिलेसम्म देखिएको छ । चीनतिर मैत्रीपूर्ण सम्बन्ध राख्नै नहुने चीन तिरको नाका खोल्दा नेपाल र नेपालीको हितमा दूरगामी काम भएको चाहिँ राष्ट्रघात हो ? कहिले एक मधेसको नारा उचाल्ने, कहिले दुई र कहिले तीन, कहिले तराई–मधेस पहाडसित जोड्नै नहुने अनि पहाडबाट अलग प्रदेश बनाएपछि फेरि पहाड नजोडेर हामीलाई अन्याय भयो भन्ने दिनमा दसवटा कुरा गर्ने मधेसी नेताका पछि लागेर राष्ट्रिय अस्तित्वको जगेर्ना हुनै सक्तैन  । महन्थ ठाकुरले मधेस अब नेपालबाट अलग हुन्छ भन्नु संयोग हो कि सुनियोजित हो ? अहिले संविधान विपरीत सीमाङ्कनको फेरबदलको प्रस्ताव विधि सम्मत छैन । असंवैधानिक छ प्रमुख विपक्षी मात्र होइन सत्तारुढ दलका धेरै नेता र कार्यकर्ता र तथा सभासद्ले समेत विरोध गरेको यो प्रस्ताव तपाईले भने जस्तै अतिराष्ट्रवादी भावनाको बहकाउ हुँदै होइन । बरु पूर्व राष्ट्रपतिज्यू ! तपाईं भारतीय सरकारको प्रायोजनमा नेपालमा  गरेको घोर अमानवीय नाकाबन्दी र दशगजा पारि गएर नेपालतिर ढुङ्गामुढा गर्ने नेपाल र नेपाली विरोधी एकाध आयातित नेपाली  मधेसी नेताका बहकाउमा नलाग्नुहोस् । राष्ट्रको शिखर आरोहण गरिसकेको र रहिसकेको महान् व्यक्तित्व शिखर अवरोहण नगर्नुहोस् ।         
 


 

comments powered by Disqus

Related News

horoscope

National Reconstruction Authority

Redbull

YetiAirlines

NLG Life Insurance

राजनीति

विज्ञहरुले भने– अहिलेको संविधान संशोधन पास भए नेपाल रहंदैन 

‘७० वर्षको उमेरमा भक्ति थापाजस्ता हाम्रा पूर्खाले रगत दिएर बनाएको नेपाललाई केही दलालहरुले विदेशीका पाउमा चढाउने काम गरेका छन्’ बस्न्यातले भने, ‘यहाँका मैथिली, भोजपुरी र अवधी भाषा मासेर स्थापित गरिएका हिन्दीभाषीहरु नेपाली होइनन् । हिन्दीभाषीलाई नै नेपाली भनेर नेपाल समाप्त पार्ने प्रयास भएको छ ।’ 

संशोधन थाँती राखे समझदारी हुने - सचिव ज्ञवाली

बाबियाचौर (म्याग्दी), ८ माघ - नेकपा (एमाले)का सचिव प्रदीप ज्ञवालीले संशोधन प्रस्ताव थाँती राखेर राजनीतिक समझदारी कायम गर्न सकिने बताएका छन् । 

स्थानीय निर्वाचनको मिति चाँडो घोषणा गर –रामचन्द्र पौडेल

काठमाडौँ, ७ माघ –व्यवस्थापिका–संसद्को आजको बैठकमा प्रमुख दलका नेता तथा सांसदले अविलम्ब स्थानीय निकायको निर्वाचनको मिति घोषणा गर्न सरकारसँग माग गरेका छन् । 

विश्व

नाइजेरियाली विश्वविद्यालयमा आत्मघाती बम आक्रमण, छ जनाको मृत्यु

अबुजा नाइजेरिया, माघ – नाइजेरियाको उत्तरपूर्वी राज्य ब्रनोको राजधानी मैदुगुरीमा सोमबार एक विश्वविद्यालयमा आत्मघाती बम विस्फोट गराइँदा कम्तिमा छ जनाको मृत्यु भएको यहाँको प्रहरीले जनाएको छ । 

घटनामा १५ जना घाइते भएको बताइएको छ

बङ्गलादेशमा हत्याका आरोपमा छब्बीसलाई मृत्युदण्ड  

ढाका, ३ माघ – बङ्गलादेशको एक अदालतले सत्ताधारी अवामी लिगका राजनीतिज्ञहरूले राजनीतिक प्रतिद्वन्द्वीको हत्या गर्न मुलुकको उच्च सुरक्षा निकायलाई कसरी उपयोग गरे भनि सुनुवाइ गरेपछि २६ व्यक्तिलाई सोमबार मृत्युदण्डको निर्णय सुनाएको छ । 

रुसले अति शक्तिशाली लामोदूरीको क्षेप्यास्त्र परीक्षण ग¥यो

मस्को, ४ माघ – रुसले जल तथा जमिन दुबै स्थानबाट प्रहार गर्न सकिने, अति शक्तिशाली, लामोदूरीको क्षेप्यास्त्रको आज परीक्षण प्रक्षेपण गरेको छ । 

विचार

सीके राउतसँग बाबुराम–प्रचण्डको बिखण्डनवादी कनेक्सन

||  रामशरण बजगाईं/विजय ढकाल  || सतहमा हेर्दा यो बिषय सामान्य र अपत्यारिलो लाग्छ । इरान हुँदै पाकिस्तान पुगेको मानिस कसरी नेपालको तराइसँग जोडियो भन्ने प्रश्न उठ्न सक्छ । हामीलाई पनि त्यस्तै लाग्थ्यो । तर हालसालै भारतीय काश्मिरकी  मुख्यमन्त्री महबूबा मुफ्तीले गरेको एउटा खुलासाले हामीलाई झस्कायो । 

नेपाल–भारत सम्बन्धमा ओली फर्मुला के हो ?

|| रामशरण बजगाईं/विजय ढकाल || 
बाबुरामले त प्रधानमन्त्री बन्नासाथ भारतसँगको सम्बन्धमा जुवा खेल्न छुट मागे । सत्ताको चाबी दिल्लीलाई बुझाएर नेपालमा घोषणा गरे 'चाबी अन्तै रहेछ,' 'नेपाल भारतमा मर्ज वा सब्मर्ज हुन सक्छ ।'  फेरि पनि उनै  बाबुराम सोध्छन्– भारतसँग सम्बन्ध सुधार्ने ओली फर्मुला  के हो ? 

‘ओलीजम भर्सेस माथुरजम’ खडा गर्ने हो बाबुरामजी ? 

रामशरण बजगाईं/विजय ढकाल

बाबुराम भट्टराई  र उनले तालिम दिएका चेला चपेटाहरु काठमाडौं र दिल्लीबाट जयशंकरलाई सूचना दिंदै थिए– ‘कोइरालाको कार्यालयबाटै भारत बिरोधी गतिविधि संचालित छ ।’ 

Loading...
Top