क्यान्सरलाई जितेका भक्तराज आचार्यले भने : म मरे पनि देशका लागि केपी ओली बाँच्नु पर्छ


Sunday, 27 Nov, 2016 5:07 PM

 

•बिनु पोखरेल
काठमाडौं, १२ मंसिर– दुई दाँत मात्रै मुखमा बाँकी छन्, हातका औंलाका सबै नङ झरेका छन् । बोली प्रष्ट छैन । बोल्न समेत अप्ठ्यारो छ । बिगत २३ बर्षदेखि ठोस खान सक्दैनन् । झोलीलो कुरा पनि अरुले नै खुवाईदिनपर्छ, त्यो पनि सुताएर । पिसाब पनि नियन्त्रण हुँदैन । आगन्तुकसँग भेटघाट र सम्बादसँग कुनै रुची छैन ।

 


२३ वर्षअघि जिब्रोको क्यान्सर भएर जिब्रो काटिएका शिरोमणि एवं प्रख्यात गायक भक्तराज आचार्य एमाले अध्यक्ष एवं पूर्व प्रधानमन्त्री केपी ओली आफूलाई भेट्न आइपुग्दा अभूतपूर्व उत्साहमा थिए । भक्तराजको अनुहारमा यति धेरै खुसी धेरै बर्षपछि मात्रै देख्न पाएको उनकी श्रीमतीले  छोराहरु सत्यस्वरुपसंग भन्दै थिइन् । उनलाई भेट्न ओली आइतबार दिउसो महालक्ष्मीस्थान स्थित आचार्यको निवास पुगेका थिए । आफूलाई भेट्न ओली आउने थाहा पाएपछि ओच्छ्यानबाट उठेर सोफामा बसेका थिए उनी । 

 

‘बाबु भन्देउ त हाम्रो देशको प्रधानमन्त्री को हो ?’ भक्तराजका नातिले जवाफ दिए– ‘केपी ओली ।’ ओलीले तत्कालै जवाफ दिए– ‘अब अर्काे नाम सिकाउनु पर्यो नि !’ सत्यराजले ओलीतिर हेर्दै भने– ‘हरेक बच्चाले नाम सम्झिने तपाईंजस्तो प्रधानमन्त्री अरु को छ र ?’ 


ओली आइपुगेपछि हात समाउँदै भक्तराजले आफ्नो बैठक कोठामा लगे र भित्ताभरी झुण्डिएका आफ्ना सम्मानपत्रहरु देखाए । लड्खडाउँदो बोलीमा उनले ओलीसँग भने– ‘मैले गीत संगीतको क्षेत्रमा केही गरेँ, अव यसको संरक्षणमा तपाईंको साथ चाहिन्छ ।’ ओलीले पनि भक्तराजका हात सुम्सुम्याउँदै भने– ‘गीत संगीतको राजमार्ग तपाईंले बनाउनु भएको छ, अव आउने पुस्ताले तपाईंकै बाटो नहिडी सुख छैन ।’ 

 


एकैछिन्को मौनतापछि ओलीले भक्तराजको स्वास्थ्य र उमेर सम्बन्धी जानकारी लिए । ‘तपाईं कति वर्षको हुनुभयो ?’ भक्तराजले नबुझिने शब्दमा जवाफ दिए । अनि छोरा स्वरुपले बुझाईदिए– ‘तपाईंले बुझ्नु भएन कि, ७५ वर्षको भएँ भन्नु भयो बुवाले ।’ 

 


अनि सोध्ने पालो भक्तराजको । उनले ओलीलाई परिवार र सन्तानका बारे सोधे । ‘तपाईंका छोराछोरी कतिजना ?’ ओलीले जवाफ दिए– ‘मेरा घरभरी छोराछोरी छन् तर, आफ्नै सन्तान छैनन् ।’ 

 

‘जहाँ जाँदा पनि सबैले किन ओली–ओली भन्दारहेछन् भन्ने बल्ल आज बुझ्यौं । तपाईंजस्तो अडान भएको र कलाकारको निष्ठा बुझ्ने मान्छे अरु देखिनँ । देश यस्तो अवस्थामा छ, ओच्छ्यानमा लडिरहेको कलाकारको पनि तपाईंलाई याद छ ।’ 


ओलीको जवाफले भक्तराजले आश्चर्य मान्दै फेरि सोधे– ‘हो र !’ 

 


अनि फेरि भक्तराजका दुई छोराहरुतिर देखाउँदै जवाफ दिए ओलीले– ‘सत्य र स्वरुप जस्ता सन्तान हुन्छन् भन्ने के ग्यारेन्टी र ?’ अनि सबै हाँसे । अरुसँग बोल्न नरुचाउने भक्तराजले फेरि नबुझिने बोलीमा ओलीको प्रशंसा गर्न थाले, छोराहरुले अर्थ लगाए । ‘पाँच वर्ष मात्रै तपाईं प्रधानमन्त्री भएको भए रेलको मात्र के कुरा हाम्रो पानी जहाज पनि हुन्थ्यो ।’ ओलीले आफूबारे भक्तराजले गरेको टिप्पणी सुनिमात्र रहे । 

 


कुरा चल्दै गर्दा भक्तराजका नाति कोठामा आइपुगे, अनि सत्यराजले छोरालाई काखमा लिंदै सोधे– ‘बाबु भन्देउ त हाम्रो देशको प्रधानमन्त्री को हो ?’ भक्तराजका नातिले जवाफ दिए– ‘केपी ओली ।’ ओलीले तत्कालै जवाफ दिए– ‘अब अर्काे नाम सिकाउनु पर्यो नि त !’ सत्यराजले ओलीतिर हेर्दै भने– ‘हरेक बच्चाले नाम सम्झिने तपाईंजस्तो प्रधानमन्त्री अरु को छ र ?’ 

 

‘मैले त जे गरेँ, गरिसकेँ । गीत संगीतका लागि छोराहरु छन्, अरु पनि जन्मेका छन् । म मरे पनि केही हुन्न । तर, देशका लागि चाहिँ तपाईं बाँच्नु पर्छ ।’ 


ओलीले भक्तराजका गीतहरुको प्रसंग निकालेर ‘जहाँ छन् बुद्धका आँखा’ राष्ट्रिय गीत आफूलाई अत्यन्तै मन पर्ने वताए र सबैजसो भजनहरु सुनेको जानकारी दिए । अनि भक्तराजले पनि ओलीको बहुविषयमा जानकारी राख्ने बानीको प्रशंसा गरे । ‘एउटा मान्छे एउटा विषयमा अभ्यस्त हुन्छ तर, सबै विषयमा बुझ्ने यस्तो नेता हुनुहुँदो रहेछ’ भक्तराजले खुसी प्रकट गर्दै भने,  ‘मसँग भेट्न घरमै आउनु भएको छ, यो सिंगो कलाकार जगतको सम्मान हो ।’ ओलीले पनि आफ्ना घरमा वाध्यवादनका सामग्री भएको वताए र सत्य स्वरुपलाई आफ्नो घरमा घरमा आएर बाजा बजाउन निम्तो दिए । 

 


भक्तराजको स्वास्थ्यवारे ओलीले जव थप जिज्ञासा राखे, उनले ओलीलाई धेरै समय बाँचेर देशको सेवा गर्न सुझाए । ‘मैले त जे गरेँ, गरिसकेँ । गीत संगीतका लागि छोराहरु छन्, अरु पनि जन्मेका छन् । म मरे पनि केही हुन्न । तर, देशका लागि चाहिँ तपाईं बाँच्नु पर्छ’ भक्तराजले भने । भक्तराजले यस्तो भन्दा ओली हाँसी मात्र रहे । त्यसपछि केहीबेर उनीहरुबीच स्वास्थ्य दुईजनाको स्वास्थ्यबारे छलफल भयो । 

 


भक्तराज र ओलीबीचको संवादको अन्त्यतिर छोराहरुले निवास नजिकै भक्तराज चोक स्थापनाको पहल गर्न ओलीसँग माग गरे । ओलीले पनि आफूले सक्दो पहल गर्ने वताए । अनि केहीबेर दुवै परिवारबीच फोटो सेसन भयो । ओली हिंड्ने बेलामा स्वरुपराजले भने– ‘हामी देश विदेश घुम्यौं, जहाँ जाँदा पनि सबैले किन केपी ओली भन्दा रहेछन् भन्ने बल्ल आज थाहा भयो । तपाईंजस्तो बोलीको अडान भएको र कलाकारको निष्ठा बुझ्ने मान्छे अरु देखिनँ । देश यस्तो अवस्थामा छ, ओच्छ्यानमा लडिरहेको कलाकारको पनि तपाईंलाई याद छ ।’ 

 


ओली गाडी चढ्न थालेपछि भक्तराजका नाति ओलीसँगै आफू पनि जान जिद्धि गरिरहेका थिए । गाडीको सिसा खोल्दै ओलीले हात हल्लाए । 

 

 

 

 


 

comments powered by Disqus

Related News

horoscope

Redbull

YetiAirlines

Kumari jobs

NLG Life Insurance

राजनीति

प्रधानमन्त्रीले अचानक वालुवाटार बोलाएपछि मोर्चाको बैठक सुरु 

प्रधानमन्त्री दाहालले साँझ ७ बजेको समयमा छलफलका लागि भन्दै अचानक वालुवाटार बोलाएपछि पोजिसन क्लियर गर्न मोर्चाको बैठक बसेको हो । प्रधानमन्त्री दाहाललाई चुनाव घोषणाबाट पछाडि फर्काउने विषयमा छलफल गरिने मोर्चाका नेताहरुले वताएका छन् । 

चन्दलाई बढुवा गर्ने मुद्दामा बुधबार सुनुवाइ हुने

काठमाडौँ, ८ फागुन । सर्वोच्च अदालतले नेपाल प्रहरीका महानिरीक्षकमा जयबहादुर चन्दलाई बढुवा गर्ने मन्त्रिपरिषद्को निर्णय तत्कालका लागि कार्यान्वयन नगराउन दिएको अल्पकालीन अन्तरिम आदेश बुधबारसम्म जारी रहने भएको छ । 
 

कांग्रेस माओवादीको निश्कर्ष– मोर्चाले भने झैं संविधान संशोधन गरेर मात्र चुनाव असम्भव 

सत्तारुढ कांग्रेस माओवादीको आइतबारको बैठकमा भने संविधान संशोधन गरेर मात्रै चुनाव घोषणा गर्ने हो भने चुनावै नहुने अवस्था आउन सक्ने निश्कर्ष निकालिएको हो । 

विश्व

टेक्सासमा फेरि हजारौँ जनताको जुलुस प्रदर्शन

हाउस्टन, ८ फागुन । संयुक्त राज्य अमेरिकाको दक्षिणी राज्य टेक्सासको डाल्लास महानगरमा करिब एक हजार सात सय जनाले विरोध जुलुस प्रदर्शन गरेका छन् ।

चीन र अर्जेन्टिनाका राष्ट्रपतिबीच बधाइ साटासाट

बेइजिङ्ग, ८ फागुन । चीन र दक्षिण अमेरिकी राष्ट्र अर्जेन्टिनाबीच दौंत्य सम्बन्ध स्थापना भएको ४५ औं बार्षिकोत्सवका दिन चीनका राष्ट्रपति सि जिनपिङ्ग तथा अर्जेन्टिनाका राष्ट्रपति मोरिसियो माक्रिले आज एक आपसमा बधाई ज्ञापन गरेका छन् । 

समुद्री सम्पत्तिको लडाइँ

न्यूर्योक, ७ फागुन – समुद्रमा परिवर्तन आइरहेको छ तर त्यो सकारात्मक भने होइन । वैज्ञानिक प्रमाणले समुद्र उजाड, तातो र बढी अम्लीय बन्दै गएको देखाउँछ, जसबाट समुद्रीय जीवन गम्भीर दवाबमा पर्न गएको छ । तर समाचार राम्रो पनि छ : प्रमाणले यो पनि देखाउँछ कि समुद्र पुनर्जीवित हुनसक्छ र त्यसको परिणामलाई साकार तुल्याउन विश्व सहमत पनि भइसकेको छ । 

विचार

ओली डक्ट्रिन, प्रचण्ड र पाँच बुँदे रोडम्याप 

प्रचण्डजी ‘चोक्टा खान गएकी बुढी झोलमा डुबेर मरी’को दशामा छन् । असक्षमताको पगरी गुथेर फर्कनुको अर्को बाटो उनीसामु देखिन्न । दक्षिणपन्थीहरुको बैसाखी टेकेर नौनीको लिस्नो मार्फत बालुवाटार छिरेको नतिजा आगोमा पग्लदा सडकमा नै हुने अवस्थामा आइपुग्ने भयो ।

एरिका नाम गरेकी फिजियो थेरापिष्टलाई त्रिभुवनको सूचना चोर्न अंग्रेजले खटाएका थिए

त्रिभुवन सौखिन खालका मान्छे थिए, त्यही कारण धेरै ठाउमा प्रयोग पनि भए । एरिका भन्ने एकजना अंग्रेज फिजिओथेरापिष्ट त्रिभुवनको साथमा थिइन् । अंग्रेजहरुले एरिका मार्फत सूचना चोर्ने र त्रिभुवनलाई गलाउने काम गरे ।
 

सुन्दरीजल जेलबाट मध्यरातमा बीपीलाई नारायणहिटी ल्याइएको कुरा किन आउँदैनन् ?

नेपालमा अत्यावश्यक ठानिएको पूर्व–पश्चिम राजमार्ग शिलान्यास गर्न बीपीलाई केले रोक्यो ? उनकै कार्याकालमा कोदारी राजमार्ग निर्माणको प्रस्ताव आएको थियो । तर, उनले आर्थिक रुपमा आवश्यक नभएको भन्दै प्रस्तावलाई इन्कार गरे । यद्यपी कुनै औपचारिक शिक्षा नलिएका, आफ्नो सम्पूर्ण किशोर जीवन राणाकालीन दरवारको खोपीमा विताएका राजा महेन्द्रले नै यी दुवै काम किन गर्नु पर्यो होला ?

Loading...
Top