सम्पादकीय : संविधान संसोधनबारे सरकारको दृष्टिकोण प्रष्ट पार 


Friday, 23 Sep, 2016 5:10 PM

प्रधानमन्त्री पुष्पकमल दाहालको पहिलो प्राथमिकता उनकै भाषामा मधेशी र जनजातीका मागलाई संबोधन गर्न संविधान संशोधन हो । शायद, दाहालको यही उधारो आश्वासनलाई मानेर संविधान बहिष्कार गरेको मोर्चाले अचानक संविधान मान्यो । त्यतिमात्र होइन, दाहाललाई प्रधानमन्त्री बनाउन समर्थन नै गर्यो ।


तर प्रधानमन्त्री भएको डेढ महिना बितिसक्दा पनि मधेशी मोर्चाका मागलाई संवोधन गर्ने मुद्धा ओझेलमा छ । भारत भ्रमणमा जानुअघि संविधान संशोधन संसदमा दर्ता गर्ने सार्बजनिक प्रतिबद्धता जनाएका प्रधानमन्त्री त्यसमा पूर्णतः असफल भएका छन् । नयाँदिल्लीमा समकक्षी नरेन्द्र मोदीसमक्ष समेत संविधान संशोधन गर्ने प्रतिबद्धता जनाएर फर्केका दाहालले घरेलु बिषयलाई द्धिपक्षीय साझा मुद्धा बनाएर राष्ट्रबिरोधी व्यवहार त प्रदर्शन गरे नै, मोदीलाई समेत गलत ‘ब्रिफिङ’ गरे ।


प्रधानमन्त्री दाहालले मधेशी मोर्चाका मागलाई संवोधन गर्न कुनै गम्भीर गृहकार्य अघि बढाएका छैनन् । उनी अख्तियारद्वारा अघि बढाइएको लडाकु आर्थिक घोटालाको छानवीनलाई सत्ताको पहुँचमा दबाउने खेलको नेतृत्व गरिरहेका छन् । दुनियाँमा मुलुकको कार्यकारीले अख्तियारको जस्तो जिम्मेबार निकायका प्रमखुलाई ‘मैले मिलाइसकें, अव भ्रष्टाचार र घोटाला छानविन अघि बढ्दैन’ भन्ने जस्ता सार्बजनिक अभिव्यक्ति दिंदैनन् । भ्रष्टाचार अनुसन्धानको बिरुद्ध यस्तो पक्षपोषण खुलेआम गर्ने प्रधानमन्त्री छन् भन्नु पर्दा नागरिकलाई पीडाबोध भएको छ । अव यस्ता सरकार प्रमुखबाट सकारात्मक बिकासको अपेक्षा कसरी गर्ने ? 


प्रधानमन्त्री दाहाल संविधान संशोधनप्रति कति पनि गम्भीर छैनन भन्ने प्रमाण त्यसको मुख्य सरोकार पक्षसंग संवादहिनता हो । उनले संशोधनबारे दिल्लीमा वार्ता गरे तर गर्नुपर्ने एमाले र त्यसका अध्यक्षसँग भने उक्त बिषयमा अहिलेसम्म संवादसमेत गरेका छैनन् । एमालेसँग संविधान संशोधनका बारेमा औपचारिक छलफल समेत आब्हान गरिएको छैन । एमालेले प्रष्ट रुपमा औचित्य र आवश्यकताका आधारमा संविधान संशोधन गर्न सकिने बताइरहेका बेला संशोधन कुन कुन बिषयमा गर्ने भन्ने समेत सत्तारुढ पक्षले राख्न सकेको छैन । बरु एमालेको उपयुक्त अडानलाई संशोधन गर्नै नचाहेको, मधेशी मोर्चाका मागप्रति अनुदार भएको भन्दै जर्बजस्ती मधेशबिरोधी बनाउने प्रयास भएको छ ।


असन्तुष्ट मोर्चाका नेताले संविधान संशोधनको बिषयमा मोर्चासंग छलफल गर्नुपर्नेमा नयाँदिल्लीमा मुद्धा बनाएको भन्दै आक्रोस व्यक्त गरिरहेका छन् । यस्तो बेला प्रधानमन्त्री वास्तबमै घरेलु समस्या समाधान गर्न चिन्तित छन ? भन्ने प्रश्न उठेको छ । हैन भने तत्काल प्रधानमन्त्रीले संविधान कार्यान्वयन अघि बढाउन् । त्यसका लागि तोकिएको समयमा निर्वाचन घोषणा गरुन् । मधेशी मोर्चाका माग जायज र तार्किक छन भन्ने सरकारको निश्कर्ष हो भने ती के हुन त्यसको सूचीसहित प्रतिपक्षीसँग वार्ता आरम्भ होस् । अन्यथा, प्रधानमन्त्री दाहालको असफलताको यात्रामा यो पनि सुचीकृत हुनेछ, जुनबेला उनको पदीय औचित्यमाथि प्रश्न उठ्नेछ । 
  
 
  
 

comments powered by Disqus

Related News

horoscope

Redbull

YetiAirlines

Kumari jobs

NLG Life Insurance

राजनीति

सर्वदलीय बैठकमा मधेसी मोर्चा अनुपस्थित

काठमाडौँ, १० फागुन । स्थानीय तहको निर्वाचनको मिति घोषणा भएको सन्दर्भमा संविधान संशोधन प्रस्तावलाई संसद्मा छलफल गराउने विषयमा सर्वदलीय बैठक अहिले अन्तर्राष्ट्रिय सम्मेलन केन्द्र नयाँबानेश्वरमा जारी छ । 

निर्वाचनमा भाग लिऔँ, आफ्नो हैसियत नापौँ – वरिष्ठ नेता नेपाल

काठमाडौँ, १० फागुन । नेकपा (एमाले)का वरिष्ठ नेता माधवकुमार नेपालले निर्वाचन क्षेत्र निर्धारण आयोग तुरुन्त गठन गर्न सरकारसँग माग गरेका  छन् । 
 

क्याम्पसमा अध्ययन गर्दासम्म मात्र स्ववियुमा रहने

काठमाडौँ ,१० फागुन । स्वतन्त्र विद्यार्थी युनियन (स्ववियु) मा निर्वाचित पदाधिकारी र सदस्यहरु क्याम्पसमा अध्ययनरत रहँदा मात्र पदमा बस्न पाउने भएका छन् । 
 

विश्व

पाकिस्तानी अदालतमा आक्रमण, चार जनाको मृत्यु

इश्लामाबाद, १० फागुन । पाकिस्तानको उत्तरपश्चिमी क्षेत्रमा पर्ने चार्सद्धा जिल्लामा रहेको एक स्थानीय अदालतमा आत्मघाती बम आक्रमण हुँदा कम्तीमा छ जनाको मृत्यु भएको छ । 
 

डोनाल्ड ट्रम्पद्वारा नयाँ सुरक्षा सल्लाहकार नियुक्त

वासिङटन, १० फागुन । अमेरिकाका राष्ट्रपति डोनाल्ड ट्रम्पले राष्ट्रिय सुरक्षा सल्लाहकारमा लेफ्टिनेन्ट जनरल हर्वर्ट म्याकमास्टरलाई नियुक्त गरेका छन्  । 

९३ वर्ष पुग्दा पनि राष्ट्रपति मुगावे अवकाश लिन अनिच्छुक

हरारे, ८ फागुन– जिम्बाबेका राष्ट्रपति रोबर्ट मुगाबे, मङ्गलबार ९३ वर्ष पुग्दै छन् र उनले आफूलाई स्वीकार्य प्रतिस्थापक फेला नपरेकाले आफूले शक्ति परित्याग गर्ने योजना नबनाएको बताएका छन् । 

विचार

ओली डक्ट्रिन, प्रचण्ड र पाँच बुँदे रोडम्याप 

प्रचण्डजी ‘चोक्टा खान गएकी बुढी झोलमा डुबेर मरी’को दशामा छन् । असक्षमताको पगरी गुथेर फर्कनुको अर्को बाटो उनीसामु देखिन्न । दक्षिणपन्थीहरुको बैसाखी टेकेर नौनीको लिस्नो मार्फत बालुवाटार छिरेको नतिजा आगोमा पग्लदा सडकमा नै हुने अवस्थामा आइपुग्ने भयो ।

एरिका नाम गरेकी फिजियो थेरापिष्टलाई त्रिभुवनको सूचना चोर्न अंग्रेजले खटाएका थिए

त्रिभुवन सौखिन खालका मान्छे थिए, त्यही कारण धेरै ठाउमा प्रयोग पनि भए । एरिका भन्ने एकजना अंग्रेज फिजिओथेरापिष्ट त्रिभुवनको साथमा थिइन् । अंग्रेजहरुले एरिका मार्फत सूचना चोर्ने र त्रिभुवनलाई गलाउने काम गरे ।
 

सुन्दरीजल जेलबाट मध्यरातमा बीपीलाई नारायणहिटी ल्याइएको कुरा किन आउँदैनन् ?

नेपालमा अत्यावश्यक ठानिएको पूर्व–पश्चिम राजमार्ग शिलान्यास गर्न बीपीलाई केले रोक्यो ? उनकै कार्याकालमा कोदारी राजमार्ग निर्माणको प्रस्ताव आएको थियो । तर, उनले आर्थिक रुपमा आवश्यक नभएको भन्दै प्रस्तावलाई इन्कार गरे । यद्यपी कुनै औपचारिक शिक्षा नलिएका, आफ्नो सम्पूर्ण किशोर जीवन राणाकालीन दरवारको खोपीमा विताएका राजा महेन्द्रले नै यी दुवै काम किन गर्नु पर्यो होला ?

Loading...
Top