यी हुन् लामो दुरीमा गाडी हाँक्ने नेपालकै पहिलो महिला ड्राइभर

चलाउँछिन् झापा देखि काठमाडौं


Friday, 11 Nov, 2016 10:47 AM

 

छोटो दुरीमा मात्रै महिलाले भाडाका सवारी चलाइरहेका बेला मोरङ मधुमल्ला तोरीबारीकी लक्ष्मी पाण्डेले नयाँ उदाहरण प्रस्तुत गरेकी छिन् । उनले झापा-काठमाडौं यात्रा गर्नेहरुलाई गन्तव्यमा पुर्‍याउने जिम्मेवारी सम्हालेकी छिन् ।

 

हाल झापाको दमकमा बस्दै आएकी लक्ष्मी झापा-काठमाडौं रुटमा सञ्चालन हुने मे १ ज २१६३ नम्बरको टाटा सुमो चलाउँछिन् । उनी सम्भवतः लामो दुरीमा सवारी चलाउने नेपालकै पहिलो महिला चालक हुन्  ।

 

गत असोज २४ गतेदेखि नियमितरुपमा उक्त रुटमा सवारी चलाउन थालेकी उनले हालसम्म निकै ठूलो आत्मविश्वास जुटाइन् ।


‘सुरु-सुरुमा त यात्रुहरु आफुले चलाउने गाडी चढ्नै डराउथे, तर मसँग गाडीमा  एकपटक सवार गरेकाहरुले भन्छन् ‘अब त यी नानीले चलाउने गाडीमै जाने है, लक्ष्मीले सुनाइन् ।

 

आफूले गाडी चलाउने क्रममा सुरुवाती चरणमा भएको एउटा घटना सम्झदै उनले भनिन्,- ‘एकपटक दमकबाट काठमाडौं आउने बेला, त्यस्तो अप्ठयारो बाटोमा केटीले चलाएको गाडीमा नजाने भनेर महिलाहरुकै एउटा समूहले काउन्टरमै विरोध गरे । सहकर्मीहरुले मनाएपछि बल्लबल्ल गाडी चढ्न तयार भएका उनीहरुले पछि त आफन्तसँग फोनमा कुरा गर्दा, ड्राइभिङ राम्रो छ भनेको सुनें । काठमाडौं पुगेपछि धन्यवाद है बहिनी भन्दै स्यावास दिँदै गए ।’

 

लक्ष्मीले भनिन् ‘राज्यका सबै तह र क्षेत्रमा महिलाको सहभागिता बढाउन राज्यको मात्रै आश गर्नुभन्दा आफै  महिलाले आँट गर्ने हो भने कसैले हरेक तह र तप्कामा महिलालाई छेक्न सक्ने छैनन् ।

 

लामो यात्रा, त्यसमाथि पनि घुमाउरो, उकालो र साँघुरो बाटोमा महिलाले सवारी चलाएको दृश्य देख्दा यात्रुहरुमात्र होइन, चेकिङमा खटिएका सुरक्षाकर्मीलाई समेत अचम्मित पारेको अनुभव लक्ष्मीसँग छ ।  मध्यराति, सुनसान राजमार्गमा एक्ली महिलाले गाडी हाँकेको देखेर प्रहरी आत्तिएको घटना पनि उनको मानसपटलमा  स्मरणीय बनेको छ ।

 

दुई बर्षअघि दमकमै ड्राइभिङ सिकेकी २८ वर्षीया लक्ष्मीले सुरुवातबाटै आफ्ना गुरु, अभिभावक र आफन्तहरुको हौसला पाइन् । झापा-काठमाडौं चल्ने बसमा सहचालकको समेत अनुभव संगालीसकेकी उनले पहिलेदेखि नै आफैले सवारी चलाउने सपना बुन्दै आएकी थिइन्  ।

 

गाडी चलाउन सुरु गर्दादेखि अहिलेसम्म कसैले पनि हतोत्साही बनाएका छैनन् रे लक्ष्मीलाई । सायद, समयसँगै मानिसको मानसिकतामा परिवर्तन हुँदैछ भन्नेमा विश्वस्त छिन्, उनी ।  भन्छिन्- ‘महिलाले देश चलाउछन् सक्छन्, संसार जित्न सक्छन्, गाडी कुदाउनु कुन ठुलो कुरो भयो र !

 

तर, गाडी चलाउने क्रममा बेला-बेला बाटोमा पुरुष चालकले जिस्काउने नियतले ओभरटेक गर्न दिने र फेरि ओभरटेक गर्ने जस्ता हरकत देखाउने गरेको उनी बताउँछिन् । यद्यपि, उनलाई त्यस्तो प्रवृत्तिको वास्ता छैन । आफ्नो अगाडिको बाटो र यात्रुहरुको सुरक्षाको मात्र उनलाई प्रवाह हुन्छ ।

 

लामोदूरीको यात्रामा एक्लैले ७ र ८ घन्टासम्म लगातार गाडी कुदाउने गरेको र आवश्यकता परे २४ घन्टामा दुई पटकसम्म दमक-काठमाडौंबीच ओहोर-दोहोर गर्ने साहस आफूसँग रहेको उनले बताइन् ।

 

तेजन खड्का/ झापाको विवेचना दैनिकबाट

 

comments powered by Disqus

Related News

horoscope

Redbull

YetiAirlines

Kumari jobs

NLG Life Insurance

राजनीति

सर्वदलीय बैठकमा मधेसी मोर्चा अनुपस्थित

काठमाडौँ, १० फागुन । स्थानीय तहको निर्वाचनको मिति घोषणा भएको सन्दर्भमा संविधान संशोधन प्रस्तावलाई संसद्मा छलफल गराउने विषयमा सर्वदलीय बैठक अहिले अन्तर्राष्ट्रिय सम्मेलन केन्द्र नयाँबानेश्वरमा जारी छ । 

निर्वाचनमा भाग लिऔँ, आफ्नो हैसियत नापौँ – वरिष्ठ नेता नेपाल

काठमाडौँ, १० फागुन । नेकपा (एमाले)का वरिष्ठ नेता माधवकुमार नेपालले निर्वाचन क्षेत्र निर्धारण आयोग तुरुन्त गठन गर्न सरकारसँग माग गरेका  छन् । 
 

क्याम्पसमा अध्ययन गर्दासम्म मात्र स्ववियुमा रहने

काठमाडौँ ,१० फागुन । स्वतन्त्र विद्यार्थी युनियन (स्ववियु) मा निर्वाचित पदाधिकारी र सदस्यहरु क्याम्पसमा अध्ययनरत रहँदा मात्र पदमा बस्न पाउने भएका छन् । 
 

विश्व

पाकिस्तानी अदालतमा आक्रमण, चार जनाको मृत्यु

इश्लामाबाद, १० फागुन । पाकिस्तानको उत्तरपश्चिमी क्षेत्रमा पर्ने चार्सद्धा जिल्लामा रहेको एक स्थानीय अदालतमा आत्मघाती बम आक्रमण हुँदा कम्तीमा छ जनाको मृत्यु भएको छ । 
 

डोनाल्ड ट्रम्पद्वारा नयाँ सुरक्षा सल्लाहकार नियुक्त

वासिङटन, १० फागुन । अमेरिकाका राष्ट्रपति डोनाल्ड ट्रम्पले राष्ट्रिय सुरक्षा सल्लाहकारमा लेफ्टिनेन्ट जनरल हर्वर्ट म्याकमास्टरलाई नियुक्त गरेका छन्  । 

९३ वर्ष पुग्दा पनि राष्ट्रपति मुगावे अवकाश लिन अनिच्छुक

हरारे, ८ फागुन– जिम्बाबेका राष्ट्रपति रोबर्ट मुगाबे, मङ्गलबार ९३ वर्ष पुग्दै छन् र उनले आफूलाई स्वीकार्य प्रतिस्थापक फेला नपरेकाले आफूले शक्ति परित्याग गर्ने योजना नबनाएको बताएका छन् । 

विचार

ओली डक्ट्रिन, प्रचण्ड र पाँच बुँदे रोडम्याप 

प्रचण्डजी ‘चोक्टा खान गएकी बुढी झोलमा डुबेर मरी’को दशामा छन् । असक्षमताको पगरी गुथेर फर्कनुको अर्को बाटो उनीसामु देखिन्न । दक्षिणपन्थीहरुको बैसाखी टेकेर नौनीको लिस्नो मार्फत बालुवाटार छिरेको नतिजा आगोमा पग्लदा सडकमा नै हुने अवस्थामा आइपुग्ने भयो ।

एरिका नाम गरेकी फिजियो थेरापिष्टलाई त्रिभुवनको सूचना चोर्न अंग्रेजले खटाएका थिए

त्रिभुवन सौखिन खालका मान्छे थिए, त्यही कारण धेरै ठाउमा प्रयोग पनि भए । एरिका भन्ने एकजना अंग्रेज फिजिओथेरापिष्ट त्रिभुवनको साथमा थिइन् । अंग्रेजहरुले एरिका मार्फत सूचना चोर्ने र त्रिभुवनलाई गलाउने काम गरे ।
 

सुन्दरीजल जेलबाट मध्यरातमा बीपीलाई नारायणहिटी ल्याइएको कुरा किन आउँदैनन् ?

नेपालमा अत्यावश्यक ठानिएको पूर्व–पश्चिम राजमार्ग शिलान्यास गर्न बीपीलाई केले रोक्यो ? उनकै कार्याकालमा कोदारी राजमार्ग निर्माणको प्रस्ताव आएको थियो । तर, उनले आर्थिक रुपमा आवश्यक नभएको भन्दै प्रस्तावलाई इन्कार गरे । यद्यपी कुनै औपचारिक शिक्षा नलिएका, आफ्नो सम्पूर्ण किशोर जीवन राणाकालीन दरवारको खोपीमा विताएका राजा महेन्द्रले नै यी दुवै काम किन गर्नु पर्यो होला ?

Loading...
Top