काठमाडौं – मौलिक र सामाजिक परिवेषमा आधारित लिलामे माइलो नामक लोक नाटक तयारी प्रारम्भ भएको छ । 

कुञ्ज नाटक घरको प्रस्तुति रहने लोक नाटक लिलामे माईलो मोरङ जिल्लाको पर्यटकीय क्षेत्र लेटाङआसपासको मगर समुदायलाई आधार बनाएर तयार गरिएको छ । नाटक मंसिर महिनाको अन्तिम हप्ताबाट कुञ्ज नाटक घरमा मञ्चन हुने छ । 

एक महिना सम्म कुञ्ज नाटक घरमा मञ्चन भएपछि सो नाटक देशका विभिन्न प्रमुख शहरमा पनि मञ्चन गर्ने योजना रहेको नाटकका कार्यकारी निर्माता राजाराम गौतमले जानरकारी दिनुभयो । 

लिलामे माइलो नाटकका निर्देशक एवंम कलाकारहरुलाई एक समारोहकाबिच शुक्रबार लेटाङ प्रस्थानका लागि बिदाई तथा सम्मान गरियो ।

कार्यक्रममा नेपाल जेसिजका कार्यकारिणी उपाध्यक्ष विकास मानन्धरले नेपाली नाट्य क्षेत्रमा नयाँ प्रयोग सहित सामाजिक भावले यो किसिमको नाटक तयार गर्न थालेकोमा शुभकामना व्यक्त गर्दै जेसिजका तर्फबाट आवश्यक सहयोग रहने प्रतिबद्धता व्यक्त गर्नुभयो ।  

कार्यक्रमको अध्यक्षता गर्नु भएका नेपाल टेलिभिजनका बोर्ड अफ डाईरेक्टर एवं लेखन कुञ्जका सम्पादक वरिष्ठ पत्रकार टंक  पन्तले नेपाली नाट्य क्षेत्रमा हुन गैरहेका फरक प्रयोगले नयाँ युवा पुस्तका निर्माताहरुलाई आर्कषण गर्न सफल हुने विश्वास व्यक्त गर्नुभयो । उहाँले यो किसिमको मौलिक कथा वस्तुको खोजी र अनुशन्धानमुुलक कथा निर्माणको तयारीले नाटकले दर्शक मन जित्न सफल हुने बताउनुभयो । 
लिलामे माईलोका निर्देशक प्रभाकर न्यौपानेले  रंगकर्मका माध्यमद्धारा नेपालको ग्रामीण भेगमा बसोबास गर्ने ब्यक्तीहरुको स्थानीय रहसन, सँस्कृती, पर्ब ति गाउँले जिवन यापन गर्नेहरुको जिवनमा घट्ने घटनाहरुलाई दुरुस्तै कथामा उतारी प्रत्यक्ष अभिनयको माध्यमद्धारा नाटकको रुपमा प्रस्तुत् गर्न लागेको बताउनुभयो ।  चरित्र निमार्ण नाटकका लागि महत्वपुर्ण हुने भन्दै निर्देशक न्यौपानेले नाटकलाई यथार्थ परक बनाउन नाटकमा अभिनय गर्ने कलाकारहरुलाई आफुले निभाउनु पर्ने चरित्र माथीको भुमिका निभाउन सहज होस र चरित्र बिश्वसनीय होस भन्ने हेतुले स्थलगत अवलोकन बिधिद्धारा चरित्र निमार्ण गर्नका लागि लेटाङजान लागेको बताउनुभयो । नाटकका दर्सकहरुलाई यथार्थता महशुस गराउन स्थलगत संगित र प्रत्यक्ष संगीतको प्रयोग गरिने छ र नाटकका दर्सकहरुलाई गाउँले परिबेस सम्म पुर्याउन दृष्य अनुसारका स्थानीय स्तरमा उपलब्ध झारपात तथा जडिबुटिहरुको बास्नाको समेत प्रयोग गरिने छ ।

नाटकलाई अन्तराष्ट््िरय नाटक महोत्सबहरुमा समेत मञ्चन गर्ने गरि तयारी गरि रहेको निर्माण पक्षले जानकारी दिएको छ । यस नाटकको माध्यमबाट पुर्बी नेपालका आदिबासी जनजाती मध्येको मगर जातीको रितिरिवाज, चालचलनलाई प्रबर्धन गरिने छ । भने नाटक अवधिभर कुञ्ज थिएटरमा लेटाङ स्पेशल निशुल्क फोटो प्रदशनी समेत राखिने छ । 

नाटकमा निर्देशक प्रभाकर न्यौपाने, नाट्या रुपान्तरण राज थापा काउचा, कलाकारहरुमा विजय नेपाल , विरेन्द्र खातिन, निशा पाख्रिन तामाङ, पुष्प अवस्थि, सलमाना गुरुङ, अलविना न्यौपाने, राजन भुजेल, फोटोग्राफि डकुमेन्टेसन युसव गौतम लगाएत रहेका छन् । 

लिलामे माईलो नामक मञ्चनबाट संकलन हुने रकम काभ्रे जेसिजको समन्वयमा सामाजिक कार्यमा लगाईने छ । नाटक हेर्न माईला भएर जन्मनुभएकाहरुलाई निशुल्क देखाउने कार्यकारी निर्माता राजाराम गौतमले जानकारी दिनुभयो ।