मधेसीले नारा लगाए– ‘ओली आव देश बचाव’

एमालेको प्रदर्शनका ६ रोचक पक्ष


Friday, 6 Jan, 2017 6:42 PM

बिनु पोखरेल
संविधान संशोधन विधेयक फिर्ता गर्न माग गर्दै शुक्रवार राजधानीमा एमाले सहितका संसदमा प्रतिनिधित्व गर्ने नौ दलले गरेको प्रदर्शनको सबैभन्दा आकर्षण थियो मधेसी समुदायका नागरिकहरुले लगाएको नारा ।

 

फोटो: प्रकाश तिमिल्सिना, ट्वीटरबाट


संविधान संशोधनको विरोध गर्नुलाई मधेसको विरोध गर्नु र मधेसी मोर्चाका ४ जना नेताको प्रस्ताव अस्वीकार गर्नुलाई मधेसी समुदायको विरोध गर्नु हो भन्ने आम सञ्चारले समेत नाराकै रुपमा स्थापित गरिरहेका बेला एमालेको जुलुशमा सहभागि भएका मधेसी र मुस्लिम समुदायले भने त्यस भन्दा ठीक विपरित नारा लगाए ।


लोकतान्त्रिक मधेसी संघको ब्यानरमा रहेका मधेसी र मुस्लिम संघको ब्यानरमा रहेका जुलुशमा उनीहरु सहभागि थिए ।


‘ओली अव देश बचाव’
उनीहरुले मैथिली, भोजपुरी र अवधी भाषामा नारा लगाएका थिए । ‘मधेसके अलग नामिली’, ‘देश टुक्रावे के नामिली’, ‘ओली आव, देश बचाव’ आदि आदि नारा लगाएका थिए । संविधान जारी गर्न नेतृत्वदायि भूमिका खेलेपछि भारतीय पक्ष र मधेसी मोर्चाले एमालेलाई मधेस विरोधी पार्टीको रुपमा आक्रमण सुरु गरेको थियो । एमालेको जुलुशमा सहभागिहरु मैथिली, भोजपुरी, अवधी, थारु, नेवारी, मुस्लिमका मौलिक पहिरनमा जलुशमा सहभागि हुनेको संख्या ठूलो थियो ।
 


मञ्च देख्न सकस
प्रदर्शनपछिको सभाका लागि भृकुटी मण्डप र राष्ट्रियसभाबीचको सैनिक मञ्चसँगै जोडिएको सडकमा मञ्च बनाइएको थियो । मञ्चको सिधा अगाडि प्रदर्शनीमार्गको सडकमा पद्मोदय मोडसम्म सहभागिहरु बसेका थिए । त्यता नअटेका सहभागिहरु भृकुटीमण्डप र बसपार्कतर्फको क्षेत्रमा पनि बसेका थिए । मञ्च अगाडि देखि पद्मोदय मोडसम्मको सडकको दूरी लामो भएकाले सहभागिहरुले मञ्च देख्न पाएनन् । माइकको सहायताले भाषण सुन्ने बाहेक अधिकांश सहभागिहरुले मञ्च रहेको ठाउँको दृश्य देख्न पाएका थिएनन् । प्रदर्शनीमार्गको खसीबजारसम्म माइक जडान गरिएको थियो भने सडकमा नअटाएका सहभागिहरु दायाँ बायाँको बारमा झुण्डिएर भाषण सुनिरहेका देखिन्थे ।   

 


पार्टी झण्डा भन्दा राष्ट्रिय झण्डा बढी
प्रदर्शनमा सहभागि हुनेहरु धेरैजसोको हातमा राष्ट्रिय झण्डा देखिन्थ्यो । पार्टीका विभिन्न तहको ब्यानरमा आएका समुहका हातमा भने पार्टी र जनसंगठनका झण्डा देखिन्थे । विभिन्न पेशा सम्बद्ध सहभागिहरु पेशागत ड्रेसमा प्रदर्शनमा सहभागि थिए ।

 


कांग्रेसका बुद्धिजीवी पनि प्रदर्शनमा
कार्यक्रममा एमाले र आन्दोलनरत दलका कार्यकर्ता र समर्थक मात्रै थिएनन् । सत्तारुढ कांग्रेसका तल्लो तहका कार्यकर्ता र सामाजिक अभियन्ताहरुको पनि बाक्लो उपस्थिति थियो । उनीहरुका हातमा राष्ट्रिय झण्डा थियो । नेपाली कांग्रेसका तर्फबाट विभिन्न निकायको माथिल्लो तहमा जिम्मेवारी सम्हालेका सामाजिक अभियन्ताका परिवारका सदस्यहरु राष्ट्रिय झण्डा बोकेरै प्रदर्शनमा सहभागि भएका थिए ।

 

 

बस्ने ठाउँ अभाव
एमालेको जुलुश मात्रै राजधानीका ४० ठाउँबाट सुरु भएको थियो । सबै जुलुशहरु रत्नपार्कमा आएर मिसिएका थिए । साढे १ बजे जुलुश आमसभामा परिणत हुने भनिए पनि ठूलो समुह भएका कारण आमसभा हुन डेढ घन्टा ढिलो भएको थियो । जुलुश सिधै कार्यक्रमस्थलमा पस्न समस्या भएपछि विभिन्न गल्लीको बाटो गरी सभास्थलमा छिरेका देखिन्थे । आयोजकले निर्धारण गरेको ठाँउमा सहभागि नअटेपछि नअटेपछि सहभागीहरुलाई भृकुटीमण्डप भित्र पस्ने ब्यवस्था मिलाइएको थियो ।


गाडीमा सहभागि ओसारिएनन्
अरु बेला राजधानीमा हुने कार्यक्रममा आसपासका जिल्लाबाट गाडी रिजर्भ गरेर सहभागि ल्याइने गरिन्थ्यो । तर, शुक्रवारको एमालेको सभामा गाडी रिजर्भ गरिएको थिएन । सहभागिहरु आ–आफ्नो क्षेत्रबाट सुरु भएका स–साना जुलुश हुँदै मुल जुलुशमा मिसिएका थिए । अन्य बेलाका कार्यक्रममा गाडी रिजर्भ गरेर मान्छे ल्याइन्थ्यो र कार्यक्रम स्थलमा रोकिन्थ्यो ।

 

 

ओली सम्बोधनको भिडियो हेर्नुहोस्:

comments powered by Disqus

Related News

horoscope

Redbull

YetiAirlines

Kumari jobs

NLG Life Insurance

राजनीति

प्रधानमन्त्रीले अचानक वालुवाटार बोलाएपछि मोर्चाको बैठक सुरु 

प्रधानमन्त्री दाहालले साँझ ७ बजेको समयमा छलफलका लागि भन्दै अचानक वालुवाटार बोलाएपछि पोजिसन क्लियर गर्न मोर्चाको बैठक बसेको हो । प्रधानमन्त्री दाहाललाई चुनाव घोषणाबाट पछाडि फर्काउने विषयमा छलफल गरिने मोर्चाका नेताहरुले वताएका छन् । 

चन्दलाई बढुवा गर्ने मुद्दामा बुधबार सुनुवाइ हुने

काठमाडौँ, ८ फागुन । सर्वोच्च अदालतले नेपाल प्रहरीका महानिरीक्षकमा जयबहादुर चन्दलाई बढुवा गर्ने मन्त्रिपरिषद्को निर्णय तत्कालका लागि कार्यान्वयन नगराउन दिएको अल्पकालीन अन्तरिम आदेश बुधबारसम्म जारी रहने भएको छ । 
 

कांग्रेस माओवादीको निश्कर्ष– मोर्चाले भने झैं संविधान संशोधन गरेर मात्र चुनाव असम्भव 

सत्तारुढ कांग्रेस माओवादीको आइतबारको बैठकमा भने संविधान संशोधन गरेर मात्रै चुनाव घोषणा गर्ने हो भने चुनावै नहुने अवस्था आउन सक्ने निश्कर्ष निकालिएको हो । 

विश्व

टेक्सासमा फेरि हजारौँ जनताको जुलुस प्रदर्शन

हाउस्टन, ८ फागुन । संयुक्त राज्य अमेरिकाको दक्षिणी राज्य टेक्सासको डाल्लास महानगरमा करिब एक हजार सात सय जनाले विरोध जुलुस प्रदर्शन गरेका छन् ।

चीन र अर्जेन्टिनाका राष्ट्रपतिबीच बधाइ साटासाट

बेइजिङ्ग, ८ फागुन । चीन र दक्षिण अमेरिकी राष्ट्र अर्जेन्टिनाबीच दौंत्य सम्बन्ध स्थापना भएको ४५ औं बार्षिकोत्सवका दिन चीनका राष्ट्रपति सि जिनपिङ्ग तथा अर्जेन्टिनाका राष्ट्रपति मोरिसियो माक्रिले आज एक आपसमा बधाई ज्ञापन गरेका छन् । 

समुद्री सम्पत्तिको लडाइँ

न्यूर्योक, ७ फागुन – समुद्रमा परिवर्तन आइरहेको छ तर त्यो सकारात्मक भने होइन । वैज्ञानिक प्रमाणले समुद्र उजाड, तातो र बढी अम्लीय बन्दै गएको देखाउँछ, जसबाट समुद्रीय जीवन गम्भीर दवाबमा पर्न गएको छ । तर समाचार राम्रो पनि छ : प्रमाणले यो पनि देखाउँछ कि समुद्र पुनर्जीवित हुनसक्छ र त्यसको परिणामलाई साकार तुल्याउन विश्व सहमत पनि भइसकेको छ । 

विचार

ओली डक्ट्रिन, प्रचण्ड र पाँच बुँदे रोडम्याप 

प्रचण्डजी ‘चोक्टा खान गएकी बुढी झोलमा डुबेर मरी’को दशामा छन् । असक्षमताको पगरी गुथेर फर्कनुको अर्को बाटो उनीसामु देखिन्न । दक्षिणपन्थीहरुको बैसाखी टेकेर नौनीको लिस्नो मार्फत बालुवाटार छिरेको नतिजा आगोमा पग्लदा सडकमा नै हुने अवस्थामा आइपुग्ने भयो ।

एरिका नाम गरेकी फिजियो थेरापिष्टलाई त्रिभुवनको सूचना चोर्न अंग्रेजले खटाएका थिए

त्रिभुवन सौखिन खालका मान्छे थिए, त्यही कारण धेरै ठाउमा प्रयोग पनि भए । एरिका भन्ने एकजना अंग्रेज फिजिओथेरापिष्ट त्रिभुवनको साथमा थिइन् । अंग्रेजहरुले एरिका मार्फत सूचना चोर्ने र त्रिभुवनलाई गलाउने काम गरे ।
 

सुन्दरीजल जेलबाट मध्यरातमा बीपीलाई नारायणहिटी ल्याइएको कुरा किन आउँदैनन् ?

नेपालमा अत्यावश्यक ठानिएको पूर्व–पश्चिम राजमार्ग शिलान्यास गर्न बीपीलाई केले रोक्यो ? उनकै कार्याकालमा कोदारी राजमार्ग निर्माणको प्रस्ताव आएको थियो । तर, उनले आर्थिक रुपमा आवश्यक नभएको भन्दै प्रस्तावलाई इन्कार गरे । यद्यपी कुनै औपचारिक शिक्षा नलिएका, आफ्नो सम्पूर्ण किशोर जीवन राणाकालीन दरवारको खोपीमा विताएका राजा महेन्द्रले नै यी दुवै काम किन गर्नु पर्यो होला ?

Loading...
Top